|
Радуйся, прославленный дивным нетлением святых мощей твоих и многими чудесы. Радуйся, благоуханием святыни твоея удобривый святую Христову Церковь. Радуйся, всея Российския страны радование и утешение. Радуйся, покрове Богом данный, имже покрываются вернии. Радуйся, светлый облаче, зной страстей наших утолящий. Радуйся, роса благодатная, орошающая и веселяющая наша сердца. Радуйся, граде прибежище, нескрывающийся от нашего притекания. Радуйся, святителю Арсение, усердный молитвенниче о душах наших. Богоблагодатния струи исцелоний истощает священная рака мощей твоих, святителю Христов Арсение, сию бо дарова нам всеблагий Бог, яко новую купель Силоамскую, к ней же не единожды в лето, но во всякое время притекающе; недушующии духовне и телесно обильныя почерпают исцеления. Темже с любовию припадаем к ней, и прославляюще велию милость и неизреченное человеколюбие Бога нашего, зовем Ему: Аллилуиа. Поюще твое богоугодное житие, великий угодниче Божий, отче наш Арсение, славим святую кончину твою, исповедуем многая чудеса твоя и великое милосердие твое к людям, благоговейно лобызаем нетленныя и цельбоносныя мощи твоя, и молим ти ся прилежно: не презри, пастырю наш добрый и отче милосердный, малого усердия нашего и любве, имиже подвизаеми, вопием ти сице: Радуйся, архангелов и ангелов сослужителю. Радуйся, всех небесных сил сожителю. Радуйся, пророкам равночестне. Радуйся, апостолам единоправие. Радуйся, мученников сонаследниче. Радуйся, святителей красото. Радуйся, преподобных удобрение. Радуйся, праведных похвало. Радуйся, ко Пресвятей Богородице ближний предстателю. Радуйся, душ и телес наших благодатное врачевание. Радуйся, по Бозе и Богородице крепкое наше упование. Радуйся, святителю Арсение, усердный молитвенниче о душах наших. Великий святителю и преславный чудотворче, отче наш Арсение, приими малое сие моление наше, от любви теплыя нами тебе приносимое и умоли Вседержителя Господа избавитися нам от всякия скорби и болезни во временней жизни сей, и от вечных мучений по скончании нашем, да унаследуем Царства Небесное, и сподобимся вкупе с тобою пети Богу: Аллилуиа. (Сей кондак читается трижды, затем 1-ый икос и 1-ый кондак). О, великий угодниче Божий, святый отче Арсение! Сеприносим Тебе хвалебное пение, мы грешнии и недостойнии чада твоя, и величаем подвиги и добродетели Твоя, и многую милость Твою ко всем с верою притекающим к отеческому Твоему покрову. Приими с любовию приношение веры и любве нашея и принеси с Вседержителю Богу, от Него же нисходит всякое даяние благо и всякий дар совершенный и якоже благодетействовал еси в Земнем житии Твоем всем искавшим Твоея помощи, тако и ныне не лиши нас, Отче благосердный, Твоего пред Богом многомощнаго заступления. — 47 —
|