|
(молитва читается трижды) АРСЕНИЮ ЕПИСКОПУ ТВЕРСКОМУ ЧУДОТВОРЦУ (18 марта н/с) Избранный святителю Христов и предивный чудотворче, отче наш Арсение, похвальное пение восписуем ти с верою и любовию, яко теплому молитвеннику и предстателю нашему, ты же, святче Божий, яко имейя дерзновение ко Пресвятей Троице, от всяких бед и скорбей молитвами твоими свободи ны, тебе зовущия: Радуйся, святителю Арсение, усердный молитвенниче о душах наших Ангел земный и человек небесный был еси, святителю Арсение, жития твоего чистотою и праведностию: Сего ради, ангелов творец во временной жизни постави тя во архиерея тверския паствы, по блаженней же кончине сопритчте тя сонму святых небожителей, с ними же светло водворяяся ныне во обителех райских, слышиши от нас сия хвалебныя глаголы: Радуйся, Пресвятыя Троицы верный служителю. Радуйся, ангельския чистоты ревнителю. Радуйся, от пелен матерних избранный сосуде Божия благодати. Радуйся, от юности твоя всем сердцем и душою возлюбивый Господа. Радуйся, рачителю добродетелей, поживый в мире аки бесплотный. Радуйся, всего себе принесый в жертву живу, святу и благоугодну Богови. Радуйся, яко светило светозарное, осиявый паству тверскую сиянием добрых дел твоих. Радуйся, просветивый люди словом и примером равно ангельского жития твоего. Радуйся, православия верный хранителю. Радуйся, благочестия столпе непоколебивый. Радуйся, благий рабе и верный, вшедый в радость Господа твоего. Радуйся, со ангелы и всеми святыми предстояяй Престолу Христову. Радуйся, святый Арсение, усердный молитвенниче о душах наших. Видя суету мира сего временнаго, от юности восхотел еси служить Господеви в девстве и чистоте: темже родителей твоих погребению добре послужив, абже все имение твое нищим расточил еси, и дом и град оставив, вышняго града взыскал ест Иерусалима небеснаго, идеже от ликов ангельских и всех святых поется немолчная песнь Богу: Аллилуиа. Икос 2Разум богопросвященный стяжал еси, святче Божий, чтением писаний божественных: от юности бо напитал еси душу твою сладкою пищею словес Божиих, и соделался еси верным исполнителем заповедей Христовых. Темже ублажаем тя: Радуйся, добрый учениче небеснаго учителя Христа. Радуйся, богомудрый исследователю таинств в Законе Божием Сокровенных. Радуйся, вся красная мира сего возненавидивый. Радуйся, горе устремивый вся помыслы души твоея. — 41 —
|