|
. (Поклон) Спаси, Господи, и помилуй родителя моя (имена их), братию и сестры, и сродники моя по плоти, и вся ближний рода моего, и други, и дАруй им мирныя Твоя и премирныя блага. (Поклон) Спаси, Господи, и помилуй старцы и юные, нищия и сироты и вдовицы, и сущия в болезни и в печалех, бедАх же и скорбех, обстояниих и пленЕниих, темницах же и заточениих, изряднее же в гонениих, Тебе ради и веры православныя, от язык безбожных, от отступников и от еретиков, сущия рабы Твоя, и помяни я, посети, укрепи, утеши, и вскоре силою Твоею ослабу, свободу и избаву им подаждь. (Поклон) Спаси, Господи, и пОмилуй посланныя в службу, путешествующия, отцы и братию нашу, и вся православныя христианы. (Поклон) Спаси, Господи, и помилуй ихже аз безумием моим соблазних, и от пути спасительнаго отвратих, к делОм злым и неподобным приведОх; Божественным Твоим Промыслом к пути спасения паки возврати . (Поклон) Спаси, Господи, и помилуй иенавидящия и обидящия мя, и творящия ми напасти, и не остави их погибнути мене ради грешнаго. (Поклон) — 105 —
|